မိုးကုတ်

မိုးကုတ်မြို့သည် ပတ္တမြားမြို့တော်ဖြစ်သည့်အလျောက် ကျောက်တွင်းများစွာရှိပြီး နိုင်ငံခြား ခရီးသွားများအနေဖြင့် အဆိုပါကျောက်တွင်းများသို့ သွားရောက်၍ ပတ္တမြားတူးဖော်ခြင်းအဆင့်ဆင့် အား လေ့လာကြည့်ရှုနိုင်ပါသည်။ အဆိုပါကျောက်တွင်းများသို့သွားရောက်လေ့လာရန် အခွင့်အရေး သည်ရခဲလှပြီး အခြားသော သွားရောက်လည်ပတ်မည့် ခရီးသွားဧည့်သည်များနှင့် အတူပူးပေါင်း၍ သွားရောက်လေ့လာသင့်ပါသည်။ မိုးကုတ်မြို့၏ ပတ်ပတ်လည်တွင် တောင်တန်းများဖြင့် ကာရံထား ပြီး သစ်ပင်ပန်းမန်များပေါများလှသည့်အတွက် ရှုမျှော်ခင်းများကိုလည်း လှည့်လည်ကြည့်ရှုနိုင်ပါ သည်။ သဘာဝတရားများကို မှတ်တမ်းတင်လိုသောဓာတ်ပုံဆရာများအတွက် ရိုက်ကွင်းကောင်းများ စွာလည်းရှိပြီး အကောင်းဆုံးဓာတ်ပုံများရရှိနိုင်ရန် သင်၏ ဧည့်လမ်းညွှန်က ကူညီပေးနိုင်ပါသည်။ ဒေသခံတိုင်းရင်းသားမျိုးနွယ်စု ရွာသားများသည် သင့်အားပျော်ရွှင်စေရန် ငါးမျှားခြင်း၊ ခရီးကြမ်း လမ်းလျှောက်ခြင်းနှင့် ရေကူးခြင်းများဖြင့် ဧည့်ဝတ်ပြုကြပါလိမ့်မည်။ ရှမ်း၊ဗမာ၊ ကယန်း၊ ပလောင် နှင့် လီဆူး စသည့်မျိုးနွယ်စုများသည် မိမိတို့၏ ရိုးရာအဝတ်အစားများကို ဆင်ယင်၍ ရေကန်ဘေး တွင် နေ့စဉ်သွားလာလှုပ်ရှားနေသည်ကိုလည်း တွေ့မြင်လေ့လာနိုင်ပါသည်။ ညနေပိုင်းတွင် ကျောက်တန်းသို့ သွားရောက်၍ ခင်းကျင်းပြသထားသော ကျောက်မျက်ရတနာများကို လေ့လာ ဝယ်ယူနိုင်ပါသည်။