မင်းဘူးမြို့

မင်းဘူးမြို့ရှိ ရွှံ့မီးတောင်သည် သွားရောက်လည်ပတ်စရာကောင်းသော နေရာတစ်ခုဖြစ်သည်။ မြေအောက်တွင် ပိတ်မိနေသော မီသိန်းဓာတ်ငွေ့များသည် ဖိအားကို ဖြစ်စေပြီး ၎င်းသည် ရေများကို အထက်သို့ တွန်းကန်ထွက်လာစေသည်။ ရေများသည် ဓာတ်ငွေ့များ၊ ရွှံ့များနှင့် ရောနှော၍ အထက်သို့ တွန်းကန်ထွက်လာရာမှ ရွှံ့မီးတောင်အဖြစ် ဖြစ်ပေါ်လာသည်။ သို့သော် ပုံမှန်မီးတောင်များနှင့် မတူသည်မှာ ယင်းတို့သည် မပူကြဘဲ လက်ဖြင့် ထိကိုင်နိုင်သည်အထိ အေးပါသည်။ ရွှံ့စေးပူဖောင်း များနှင့် မြေပြင်ပေါ်ရှိ မီးတောင်ဝ အမြောက်အမြားမှလွဲ၍ တောတောင်ရှုခင်းတစ်ခုလုံးသည် လမျက်နှာပြင်နှင့်တူသည်ဟု ခံစားရစေပါသည်။ ဒဏ္ဍာရီအရ ကမ္ဘာမြေကြီးအတွင်းရှိ နဂါးများသည် မီးတောင်များကို စွမ်းအားပေးပြီး မြေကြီးကို တွန်းကန်နေကြသည်ဟု ဒေသခံများက ယုံကြည်ကြပြီး ဤနေရာကို ဘာသာရေးနယ်မြေအဖြစ် ယူဆကြသည်။ ဤနေရာသည် ဘာသာရေးနယ်မြေဖြစ်သဖြင့် သွားရောက်လည်ပတ်မည်ဆိုပါကဖိနပ်ချွတ်ထားရမည်ဖြစ်ပါသည်။ရွှံ့သည်အေးပြီးသင်၏ ခြေထောက် ကို အပူမလောင်နိုင်သဖြင့် စိုးရိမ်ရန်မလိုပါ။