အင်းတော်ကြီးအိုင်

အင်းတော်ကြီးအိုင်တွင် အပန်းဖြေအနားယူခြင်း၊ လမ်းလျှောက်ခြင်းနှင့် သဘာဝ အလှအပရှုခင်းများအား ကြည့်ရှုခံစားနိုင်ပါသည်။ အင်းတော်ကြီးအိုင်သည် ဒေသခံကျေးရွာ များနှင့် ထိစပ်လျက်ရှိပြီး ထင်ရှားသောကျေးရွာများမှာ နန့်ပတဲရွာ၊ နမ့်မီးလောင်ရွာနှင့် လွယ်မွန်ရွာများဖြစ်ကြပါသည်။ ၎င်းကျေးရွာများတွင် ဒေသခံများ၏ ရင်းနှီးဖော်ရွေ မှုများ ကို တွေ့မြင်နိုင်ပြီး မြန်မာ့သဘာဝကျေးလက် လူနေမှုဘဝကို သိရှိခံစားနိုင်မည်ဖြစ်ပါသည်။

          ရွှေမဉ္ဇူဘုရားသည် အင်းတော်ကြီးအိုင်အလယ်တွင်တည်ရှိသော ရေပေါ်ဘုရားဖြစ်ပြီး အထူးသဖြင့် နေဝင်ချိန်၌ ရေပေါ်တွင် ရောင်ပြန်ဟပ်လျက် ကြည်ညိုဖွယ်ရာကောင်းလှ ပါသည်။ တောင်တန်းများ၏ မြောက်ဘက်တွင် စေတီပုထိုးများစွာရှိသည့် ရွှေတောင်ဟု လူသိများသော ရွှေတောင်တန်း တည်ရှိပါသည်။ ရွှေမဉ္ဇူရေလယ်ဘုရားသို့ လှေဖြင့်တစ်ဆင့် သွားရောက်ရသည်မှာလည်း ပျော်ရွှင်ဖွယ် ကောင်းလှပါသည်။

          ကန်၏ ပတ်ဝန်းကျင်ရှိကျေးရွာများနှင့် မြို့များမှဈေးဆိုင်များတွင် ကချင်လွယ်အိတ် များ၊ ရိုးရာလက်ဝတ်ရတနာများ၊ လက်မှုအသုံးအဆောင်များနှင့် ကချင်ရိုးရာရက်ကန်းထည် များကို ဝယ်ယူနိုင်ပြီး ရိုးရာအစားအစာများမှ နိုင်ငံတကာအစားအစာများအထိ စားသောက် ဖွယ်ရာ အမျိုးမျိုးတို့ကို သုံးဆောင် နိုင်ပါသည်။