သတိပြုရမည်အချက်

ဝတ်စားဆင်ယင်ပုံ – ဘုရားရင်ပြင်ပေါ်၌ ဖိနပ်စီးနင်းခြင်းမပြုရပါ။
ဝင်ကြေး – နိုင်ငံခြားခရီးသွားဧည့်သည်တစ်ဦးလျှင် ဝင်ကြေး ၆၀၀၀ကျပ် ပေးဆောင်ရမည်ဖြစ်ပါသည်။
ကြိုတင်သိထားသင့်သည့်အချက် – တောင်ပေါ်သို့ခြေလျင်တက်ရန်စီစဉ်ထားလျှင် သက်တောင့်သက်သာဖြစ်စေမည့်ဖိနပ်မျိုးစီးသွားရန် လိုအပ်ပါသည်။ ဘုရားရင်ပြင်ပေါ်၌ ညဘက်တွင်အလွန်အေးတတ်သောကြောင့် ညအိပ်ရန် စီစဉ်ထားပါက အနွေးထည် ယူဆောင်သွားရန် အကြံပြုပါသည်။
အရေးကြီးသောအချက်အလက် – စေတီတော်အား အမျိုးသမီးများ ထိတွေ့ခွင့် မပြုသည့်အတွက် တံတားကို ကူးဖြတ်ခြင်း မပြုရန်လည်း တားမြစ်ထားပါသည်။

သွားရောက်နိုင်သည့်နည်းလမ်း

ကျိုက်ထီးရိုးစေတီတော်အား သွားရောက်လည်ပတ်ရန်အတွက် စေတီတော်မှ (၁၆) ကီလိုမီတာအကွာတွင်တည်ရှိသော ကင်ပွန်းကျေးရွာသို့ ဦးစွာသွားရောက်ရမည်ဖြစ်ပါသည်။ ကျိုက်ထီးရိုးသို့ တက္ကစီ ၊ ဘတ်စ်ကားသို့မဟုတ် ရထားစီး၍သွားနိုင်ပါသည်။ ကားဖြင့် သွားမည်ဆိုပါက (၆) နာရီခန့်ကြာမြင့်မည်ဖြစ်ပြီး ရထားဖြင့်သွားပါက (၄)နာရီခန့်သာ ကြာမြင့် နိုင်ပါသည်။ ရထားသည် ကျိုက်ထိုဘူတာအထိသာရောက်ရှိမည်ဖြစ်ပြီး ထိုမှတဆင့် ကင်ပွန်းစခန်း သို့ ကားဖြင့် (၁၅)မိနစ်ခန့် ခရီးဆက်ရမည်ဖြစ်ပါသည်။