ငပလီကမ်းခြေ

ငပလီကမ်းခြေသည် ၎င်းပတ်ဝန်းကျင်ရှိ ထူးခြားသော မြင်ကွင်းများကြောင့် ကျော်ကြား ပါသည်။ ပတ်ဝန်းကျင်တစ်ဝိုက် အသွားအလာနည်းပါးသည့်အတွက် လူသူကင်းရှင်းသော ကမ်းခြေ အနေဖြင့် စိတ်ဖိဆီးမှုများကင်းဝေးပြီး ပျော်ရွှင်မှုများအပြည့်အဝ ပေးနိုင်သည့် နေရာဖြစ်ပါ သည်။ ကမ်းခြေတစ်ဝိုက် အတွေ့အကြုံကောင်းများ အပြည့်အဝရရှိနိုင်ရေး(၂)ရက်ထက်ပိုနေရန် အကြံပြု လိုပါသည်။ကမ်းခြေတစ်လျှောက် စက်ဘီးများလည်း ငှားရမ်းနိုင်ပြီး စက်ဘီး(၁)စီးနှင့် (၁၀) ကီလိုမီတာအကွာလည်ပတ်ခြင်းဖြင့်  ပြည့်စုံသော ပျော်ရွှင်မှုကို ခံစားနိုင်ပါသည်။ အချို့ဟိုတယ်များ တွင် စက်ဘီးငှားဝန်ဆောင်မှုလုပ်ငန်းများရှိသဖြင့် သင်တည်းခိုရာ ဟိုတယ်တွင် စုံစမ်းနိုင်ပါသည်။ ငှားရမ်းခအနေဖြင့် ဈေးအချိုဆုံးအမေရိကန်ဒေါ်လာ (၃.၅) ရှိနိုင်ပါသည်။

ဖော်ရွေပျူငှာသော ငါးဖမ်းသမား၏ လမ်းညွှန်မှုဖြင့် အပျော်စီးလှေဖြင့် ဒေသခံများထံသို့ လည်း သွားရောက်လည်ပတ်နိုင်ပါသည်။ မလွဲမသွေ အခြားလုပ်ဆောင်သင့်သည်မှာ ကမ်းခြေညနေ နေဝင်အလှကို ကြည့်ရှုခံစားခြင်းဖြစ်ပါသည်။ငပလီကမ်းခြေမှာ အေးချမ်းပြီး မြင့်မားသော ကွန်ကရစ် အဆောက်အဦမြင်ကွင်းမှ ကင်းဝေးသဖြင့် နေဝင်ချိန်အလှကို စောင့်ကြည့်နိုင်သည့် အကောင်းဆုံး နေရာတစ်ခုဖြစ်ပါသည်။ ပင်လယ်ရေပြင်ညီမျဉ်းအတိုင်း တဖြည်းဖြည်းပျောက်ကွယ် သွားသည့် နေလုံးကြီးအား ကမ်းခြေတွင် ပင်လယ်စာစားကာ စောင့်ကြည့်ခြင်းဖြင့် စိတ်ပိုင်းဆိုင်ရာ ပျော်ရွှင်မှုကို အပြည့်အဝခံစားနိုင်ပါသည်။