နတ်မတောင်

နတ်မတောင် (Mt.Victoria) သည် ချင်းပြည်နယ်တွင် အမြင့်ဆုံးတောင် ဖြစ်ပြီး တောင်ထိပ်သည် ပင်လယ်ရေမျက်နှာပြင်အထက် ၃၀၅၃မီတာ မြင့်ပြီး အရှေ့တောင်အာရှတွင် အမြင့်ဆုံး မြေသားတောင်ဖြစ်ပါသည်။ ကန်ပက်လက်မြို့နယ်တွင် တည်ရှိပြီး ယခုအခါ ၁၉၉၄ ခုနှစ်က စတင်တည်ထောင်ခဲ့သော  နတ်မတောင် အမျိုးသားဥယျာဉ်အဖြစ် ထိန်းသိမ်းကာကွယ် ထားပါသည်။ နတ်မတောင်မှတစ်ဆင့် ချင်းပြည်နယ်၏ ရှုခင်းကို မြင်ကွင်းကျယ်ကျယ် ကြည့်ရှုနိုင်ပါသည်။ နတ်မတောင်တွင် အာဆီယံ အမွေအနှစ်ဥယျာဉ် တည်ရှိပြီး ဆောင်းခို ငှက်မျိုးစိတ်များ ပြောင်းရွှေ့ နေထိုင်ရာဒေသဟု လူသိများပါသည်။ ဤဒေသတွင် ရှားပါးငှက်မျိုးစိတ်များ အပါအဝင် ငှက်မျိုးစိတ် ရာပေါင်းများစွာကိုလည်း တွေ့မြင်နိုင်ပါသည်။ နတ်မတောင်ရှိ အမျိုးသားဥယျာဉ်သို့ (၁၅)မိုင်ခန့် ခြေလျင်တောင်တက်ခရီးဖြင့် သွားရောက်နိုင်ပါသည်။ တောရိုင်းတိရစ္ဆာန်များနှင့် သစ်ပင်ပန်းမန် မျိုးစုံတို့သည်လည်း  သဘာဝအလျောက် ရှင်သန်‌နေထိုင် ပေါက်ရောက်လျက်ရှိပါသည်။ ထိုဥယျာဉ်တွင် တရားမဝင် အမဲလိုက်ခြင်းကို တင်းကျပ်စွာ တားမြစ်ထားရာ မျိုးသုဉ်းလုနီးပါး ဖြစ်နေသည့် တောရိုင်း တိရစ္ဆာန်မျိုးစုံအတွက် လုံခြုံမှုပေးနိုင်သော ခိုလှုံရာနေရာတစ်ခု ဖြစ်ပါသည်။