ရွှေစည်းခုံစေတီတော်

ရွှေစည်းခုံဘုရားမှာ ဘာတွေတွေ့နိုင်သလဲ

ရွှေစည်းခုံဘုရားသို့မရောက်လျင် ပုဂံသို့ရောက်သည်ဟု မခေါ်ဆိုနိုင်ပေ။ ရွှေစည်းခုံဘုရား သည် ပေ၁၆၀ မြင့်မားပြီး ပုဂံရှိ ကြီးကျယ်ခမ်းနားသော စေတီများတွင် တစ်ဆူအပါအဝင်ဖြစ်ပါ သည်။ ရွှေစည်းခုံစေတီတော်သည် ခေါင်းလောင်းပုံရှိပြီး လေးထောင့်ပုံ ပစ္စယံသုံးဆင့်ဖြင့် ပုဂံ ဘုရားများတွင် ထူးခြားသောပုံစံရှိသည့် စေတီပုထိုးတစ်ဆူဖြစ်ပါသည်။ ပစ္စယံများတွင် စေတီငယ်များ၊ ဘုရားရှင်၏ ၅၅၀ နိပါတ်တော်များကိုပုံဖော်ထားသည့် အုတ်ချပ်များဖြင့် တန်ဆာဆင်ထားပါသည်။ ဘုရားတစ်ဆူလုံး ကို ရွှေပိန်းချထားပြီး ဘုရားပုရဝုဏ်အတွင်းတွင် တန်ဆောင်းများ၊ နတ်ကွန်းများရှိပါသည်။ စိတ်ဝင်စားဖွယ်အကောင်းဆုံးမှာ ဘုရားအရှေ့တောင် ထောင့်ရှိ ၃၇ မင်းနတ်ကွန်းဖြစ်ပါသည်။ ရွှေစည်းခုံဘုရား၏ အရှေ့ဘက်မုခ်နှင့် တောင်ဘက်မုခ် တို့တွင် ရှည်လျားသော စောင်းတန်းများရှိပါသည်။ ဘုရား၏ ဝင်ပေါက်အသီးသီးတွင် ကြီးမား သော ခြင်္သေ့ကြီးများ စောင့်ကြပ်ဟန် တည်ဆောက်ထားပါသည်။

သွားရောက်လည်ပတ်ရန် အကောင်းဆုံးအချိန်

ရွှေစည်းခုံဘုရားပွဲကို နှစ်စဉ်နိုဝင်ဘာလတွင် ကျင်းပပါသည်။ မြန်မာနိုင်ငံတွင် ခရီးသွား လိုသူများအနေဖြင့် ပုဂံယဉ်ကျေးမှုနှင့် ဗုဒ္ဓဘာသာပွဲတော်များ၏ စည်ကားထူးကဲလှပုံကို ကြည့်ရှု ခံစားလိုပါက နိုဝင်ဘာလနှင့်ဒီဇင်ဘာလတို့သည် အကောင်းဆုံးလများဖြစ်ပါသည်။