သဗ္ဗညု

ဘာကြောင့်လည်ပတ်သင့်သလဲ

မြန်မာနိုင်ငံရှိ ထင်ရှားသောစေတီပုထိုးများအနက် သဗ္ဗညုစေတီတော်သည် ဉာဏ်တော် မြင့်မားပြီး၊ ပုဂံသို့ရောက်ရှိပါက မဖြစ်မနေသွားရောက် လည်ပတ်သင့်သည့် နေရာတစ်ခုဖြစ်ပါ သည်။ သဗ္ဗညုဘုရားအနီးပတ်ဝန်းကျင်ရှိ စေတီပုထိုးများထက် ထူးခြားစွာ မြင့်တက်လျက်ရှိပြီး မီးပုံးပျံစီးနင်းစဉ်နှင့် နန်းမြင့်မျှော်စင်တို့မှထင်ရှားစွာ တွေ့မြင်နိုင်ပါသည်။ သဗ္ဗညုစေတီတော် သည် ပုဂံတွင်ဉာဏ်တော် အမြင့်ဆုံးစေတီဖြစ်ပြီး မြေပြင်မှအထက်သို့ ၆၁မီတာအထိ မြင့်မား သည်။ သဗ္ဗညုဘုရားသည် ပုဂံရှိ အဆင့်(၂)ဆင့်စေတီပုထိုးများတွင် တစ်ဆူအပါအဝင်ဖြစ်ပြီး၊ စတုရန်းပုံအောက်ခြေပေါ်တွင် ပထမအဆင့်နှင့် ဒုတိယအဆင့်ဟူ၍တည်ရှိသည်။ အဆင့် တစ်ဆင့်စီတိုင်းတွင် စင်္ကြံအထပ်(၃)ထပ်စီ  ပါဝင်ပြီး၊ စင်္ကြံ(၃)ထပ်၏ ထောင့်(၄)ထောင့်တို့တွင် စေတီများတည်ရှိပါသည်။ သဗ္ဗညုဘုရား၏ ဗိသုကာလက်ရာသည် ရှေးမြန်မာများ၏ ယဉ်ကျေးမှု နှင့်သမိုင်းကို ထင်ဟပ်လျက်ရှိပါသည်။

ဘယ်အချိန်သွားရောက်လည်ပတ်သင့်သလဲ

သဗ္ဗညုဘုရားသို့ နံနက်ခင်းပိုင်းနှင့် နေမဝင်မီ တစ်နာရီခန့်အလိုတွင် သွားရောက် လည်ပတ်ရန် အကောင်းဆုံးဖြစ်ပါသည်။ ယင်းအချိန်များတွင် ပုဂံ၏ အလှတရားကို ကောင်းစွာ ခံစားနိုင်ပါသည်။