တောလမ်းခရီးသွားခြင်း

မြန်မာနိုင်ငံတွင် စိတ်ဝင်စားဖွယ်ကောင်းပြီး စွန့်စားသွားလာရသော လမ်းလျှောက် ခရီးစဉ်လမ်းကြောင်းများရှိပြီး အဆိုပါခရီးသွားရာသီမှာ နိုဝင်ဘာလမှ မတ်လအစောပိုင်းအထိ အကောင်းဆုံး ဖြစ်ပါသည်။     အထင်ရှားဆုံးလမ်းကြောင်းတစ်ခုမှာ ကလောမှ အင်းလေးကန် ခရီးစဉ်လမ်းကြောင်းဖြစ်ပါသည်။ ရှမ်းကုန်းမြေမြင့်များကို ဖြတ်သန်းသွားလာရသော အဆိုပါ ခရီးစဉ်လမ်းကြောင်းမှာ သာယာလှပသော ရှုမျှော်ခင်းများကြောင့် စိတ်အပန်းပြေ ကြည်နူးဖွယ် ဖြစ်ပါသည်။ ကလောမြို့ ရာသီဥတုမှာ အထူးအေးမြသဖြင့် လမ်းလျှောက်ခရီးသွားလာရသည့် မောပန်းမှုကို လျော့ပါးသက်သာစေ သည်။

          ထို့အပြင် ဒေသဧည့်လမ်းညွှန်များက သင့်ကို ဒေသခံအိမ်များသို့ ခေါ်ဆောင်သွားမည် ဖြစ်ရာ ဒေသထွက်ရိုးရာအစားအစာများကို မြည်းစမ်းခွင့် ရရှိစေမည်ဖြစ်ပါသည်။ သင်သည် ဖြတ်သန်းသွားလာသော လမ်းတစ်လျှောက်ရှိ ကျေးရွာများမှ စစ်မှန်သော ခရီးသွားအတွေ့ အကြုံများ ရရှိလာမည်မှာ သံသယဖြစ်ဖွယ်မရှိပေ။ ထို့ကြောင့် စိတ်ကျေနပ်ဖွယ်ရာကောင်းသော ကလောလမ်းလျှောက်ခရီးစဉ်ကိုစတင်ရန် သင်၏ခရီးဆောင်အိတ်ကို အဆင်သင့်ပြင်ထားပါ တော့ မိတ်ဆွေ။