ဗိုလ်ချုပ်အောင်ဆန်းဈေး

လာရောက်လည်ပတ်သင့်သည့်အကြောင်းအရင်း

ရန်ကုန်မြို့၏ အထင်ကရနေရာများအား လည်ပတ်ပြီးနောက်ပျော်ရွှင်ဖွယ်ရာအချိန်များကို မည်ကဲ့သို့ကုန်ဆုံးကြမည်နည်း။

ဗိုလ်ချုပ်ဈေးသည် ရန်ကုန်သို့ လာ‌ရောက်လည်ပတ်သူတိုင်းအတွက် မဖြစ်မနေ သွားရောက် သင့်သည့် နေရာများထဲမှ တစ်ခုဖြစ်ပါသည်။ ဗိုလ်ချုပ်ဈေးသည် မြန်မာနိုင်ငံ၏ အကြီးဆုံး ဈေးများ ထဲမှတစ်ခုဖြစ်ပြီး ဈေးအဆောက်အအုံတွင် ကိုလိုနီခေတ်၏ အငွေ့အသက်များ ဖုံးလွှမ်းနေသည့် ဗိသုကာလက်ရာများနှင့် ကျောက်စီလမ်းများကိုတွေ့မြင်ခံစားနိုင်ပါသည်။ ဈေးရုံ၏အနီးတစ်ဝိုက် နှင့်ထောင့်များတွင် ရှေးဟောင်းပစ္စည်းများ၊ မြန်မာလက်မှုပစ္စည်းများ၊ လက်ဝတ်ရတနာဆိုင်များ နှင့် အဝတ်အစားဆိုင်များကို တွေ့ရှိနိုင် ပါသည်။ အစားအသောက်ကြိုက် နှစ်သက်သူများအနေဖြင့် ဝက်သားတုတ်ထိုး (ဝက်အူ၊ဝက်လျှာ၊ဝက်နားရွက်) အစရှိသည် တို့ကိုသွားရောက်မြည်းစမ်းကြည့် ပါ။

ဝယ်ယူနိုင်မည့်ပစ္စည်းများ

မြန်မာ့ရိုးရာအချိတ်ပိုးထည်(ဘရိုကိတ်)ထည်များနှင့် ရှေးဟောင်းယွန်းထည်များအစရှိသော ပစ္စည်းများကို ဝယ်ယူရန်အကြံပြုပါသည်။ ဈေးထဲတွင် လက်ရာသေသပ်သော အပ်ချုပ်ဆရာများ လည်းရှိပါသည်။ စျေးနောက်ဘက်တွင်ရှိသည့် “The lady Home” ဟုခေါ်သော စားသောက်ဆိုင် တွင်လည်း အရသာရှိသော ဟင်းလျာများကို မြည်းစမ်းကြည့်သင့်ပါသည်။