အာနန္ဒာဘုရား

အာနန္ဒာဘုရားကို ၁၀၉၁ခုနှစ်တွင် ကျန်စစ်သားမင်းကြီးက တည်ထားခဲ့သည်။ အာနန္ဒာ ဘုရား တည်ထားပုံသည် အနုပညာလက်ရာမြောက်ပြီး၊ အောက်ခြေတွင် လေးထောင့်ပုံသဏ္ဍာန် ဖြစ်ကာ၊ အုတ်နံရံအထစ်များ၊ ထီးတော်ပါရှိသော စေတီများက ဝန်းရံထားသည်။ အာနန္ဒာဘုရား သည် ပုဂံတွင် ထင်ရှားသော ဘုရားတစ်ဆူဖြစ်ပြီး၊ အမြင့် ၅၁မီတာရှိကာ၊ မြောက်မှတောင်သို့ ၁၈၀မီတာ၊ အရှေ့မှ အနောက်သို့ ၁၈၂မီတာ ကျယ်ဝန်းပါသည်။ ဘုရားအတွင်းတွင် ဉာဏ်တော် ၁၀မီတာနီးပါးအမြင့်ရှိ မတ်ရပ်ဆင်းတု တော်လေးဆူကို ထည့်သွင်းတည်ထားပါသည်။ သို့သော် အာနန္ဒာစေတီတော်သည် ၁၇ရာစုတွင် မီးခခဲ့သဖြင့် ပြန်လည်မွမ်းမံတည်ဆောက်ခဲ့ကာ အရှေ့မုခ် နှင့် အနောက်မုခ်ရှိ ရုပ်ပွားဆင်းတုတော်များကို တည်ထားခဲ့သည်။

       အာနန္ဒာဘုရားသည် ၁၉၇၅ ခုနှစ်တွင် မြေငလျင်ဒဏ်ကြောင့် ပြင်းထန်စွာပျက်စီးခဲ့ရပြီး ထိုအချိန်မှစ၍ စဉ်ဆက်မပြတ် မွမ်းမံထိန်းသိမ်းလာခဲ့သည်။ ၁၉၉၀ပြည့်နှစ်တွင် စေတီတော် နှစ်၉၀၀ပြည့် ပွဲတော်ကိုကျင်းပခဲ့ပြီး ဘုရား၏အစိတ်အပိုင်းအချိုကို ရွှေသင်္ကန်းကပ်လှူပူဇော်ခဲ့ ပါသည်။