မန္တလေးတောင်

ဘာကြောင့်သွားလည်သင့်သလဲ

မန္တလေးတောင်သို့ မတက်မီ ကြီးမားသော ခြင်္သေ့ရုပ်တုကြီးနှစ်ခုက တောင်ခြေတွင် စောင့်ကြပ်ကြိုဆိုလျက်ရှိပါသည်။ တောင်ခြေတွင် ဖိနပ်များထားရှိရန် ဖိနပ်စင်များထားရှိ ပေးထားပါသည်။ တောင်ခြေတွင် ဖိနပ်များထားရှိရန် ဖိနပ်စင်များထားရှိပေးထားပါသည်။ အဘယ်ကြောင့်ဆိုသော် ဘာသာရေးဆိုင်ရာ နေရာတစ်ခုဖြစ်သောကြောင့် တောင်ပေါ်သို့ ဖိနပ်များ စီးနင်းသွားရောက်ခြင်းကို ခွင့်မပြုပါ။ သို့သော် တောင်ပေါ်သို့ အနောက်ဘက်၊ မြောက်ဘက်၊ တောင်ဘက်နှင့်အရှေ့တောင်ဘက်ရှိ စောင်းတန်းများမှ ခြေဗလာဖြင့်တက်ရခြင်း သည် တက်ရကျိုးနပ်လှပါသည်။ စောင်းတန်းတစ်လျှောက်ရှိ အုတ်ခုံများတွင် ခေတ္တခဏ အပန်းဖြေအနားယူနိုင်ပါသည်။ တောင်ပေါ်သို့ တစ်လမ်းမောင်း တောင်တက်ကားလမ်းမှလည်း တက်နိုင်ပါသေးသည်။ သို့သော် စောင်းတန်းတစ်လျှောက်မြင်တွေ့နိုင်သော အရောင်အသွေး စုံလင်လှသည့် ဘုရားဖူးများ၊ ရှုမျှော်ခင်းများကို လက်လွှတ်ရပေလိမ့်မည်။ သင်၏ခြေလှမ်းအပေါ် မူတည်၍ တောင်တက်ချိန်သည် မိနစ် ၃၀ ခန့်၊ လှေကားထစ်ပေါင်း ၁၇၂၉ ထစ်ကို တက်ရပေ မည်။ မန္တလေးတောင်ပေါ်တွင် ကြည်ညိုသပ္ပာယ်ဖွယ်ကောင်းလှသော ဆုတောင်းပြည့်ဘုရားကို ဖူးမြင်နိုင်ပြီး၊ လှပကြည်နူးဖွယ်နေဝင်ချိန်ရှုခင်းကိုလည်း ကြည့်ရှုနိုင်ပါသည်။ တောင်တက်ခရီး မှာ အတန်ငယ်ကြာမြင့်ကောင်းကြာမြင့်နိုင်သော်လည်း ကျယ်ပြန့်သော ရှုမျှော်ခင်းနှင့် ဧရာဝတီ မြစ်ပေါ်က နေဝင်ချိန်ရှုခင်းကို ကြည့်ရသည်မှာ ထိုက်တန်လှပါသည်။ ထို့အပြင် တောင်ပေါ်ရှိ အင်္ဂလိပ်ဘာသာစကား လေ့လာသော ဗုဒ္ဓဘာသာ ရဟန်းသာမဏေငယ်များနှင့် စကားစမြည် ပြောဆိုနိုင်ပါသည်။ သာယာလှပသောရှုမျှော်ခင်းတွင် အပန်းဖြေရင်း သင်၏ချစ်ခင်ရသော သူများနှင့် မြန်မာနိုင်ငံ၏ နှစ်သက် ဖွယ် ခရီးစဉ်အကြောင်း မျှဝေနိုင်ပါသည်။