လည်ပတ်သွားလာခြင်း

မြန်မာနိုင်ငံရှိသဘာဝအလှအပရှု့မျှော်ခင်းများကို ခံစားကြည့်ရှု့နိုင်ရေး မီးရထားစီးကာ ခရီး သွားလည်ပတ်ရန် တိုက်တွန်းလိုပါသည်။ မြန်မာနိုင်ငံတွင် ပြေးဆွဲလျက်ရှိသော မီးရထားများတွင် အတန်းအစားအမျိုးမျိုးရှိရာ ဈေးနှုန်းအသက်သာဆုံးဖြစ်သည့် ရိုးရိုးတန်းအတွဲတွင်ရိုးစင်းသောထိုင်ခုံ များဖြင့်လည်းကောင်း ၊ ပထမတန်းအတွဲတွင် ကူရှင်ပါသော သစ်သားထိုင်ခုံများဖြင့်လည်းကောင်း လိုက်ပါစီးနင်းနိုင်ပါသည်။ အထက်တန်းတွဲတွင် ကူရှင်ထူထူပါသော ထိုင်ခုံဖြင့် စီးနင်းလိုက်ပါနိုင်သကဲ့ သို့ရေချိုးခန်းပါဝင်ပြီး လူ ၂ ဦး (သို့မဟုတ်) ၄ဦး အတွက် ကုတင်ပါသော အိပ်စင်များဖြင့်လည်း စီးနင်း လိုက်ပါနိုင်ပါသည် ။ မီးရထားလိုင်းများအနေဖြင့်ရန်ကုန်မှမန္တလေး ၊ မန္တလေးမှ မြစ်ကြီးနားသို့လည်း ပြေးဆွဲလျက်ရှိပါသည် ။ ခရီးသွားများအနေဖြင့် အိပ်ခန်းပါသော အထူးခန်းများတွင် စီးနင်းလိုက်ပါရင်း ရန်ကုန်မြို့မှ ပုဂံမြို့သို့ခရီးသွားလာနိုင်ပါသည်။ အိပ်ခန်းများတွင် အိပ်ရာခင်း၊ မွေ့ယာများ ဖြည့်ဆည်း ပေးထားပြီး  နားနေရန်နေရာ ၊ ရေချိုးခန်းပါဝင်သော အခန်းများတွင် ၄ ယောက် ၁ ခန်းနှုန်း တည်းခို စီးနင်းနိုင်ပါသည် ။ အများသုံး မော်တော် ယာဉ်ဖြင့် ခရီးသွားလာခြင်းထက်ပို၍ သက်တောင့်သက်သာ ရှိသောခရီးစဉ်တစ်ခုကိုမီးရထားအထက်တန်းတွဲ (သို့မဟုတ်) အိပ်စင် ပါသောအတွဲတွင်လိုက်ပါလျက် ခရီးသွားလာနိုင်မည်ဖြစ်ပါသည်။ ခရီးသွားများအနေဖြင့် နိုင်ငံ၏အံဩဖွယ်ရာ ရှု့ခင်းအလှအပများ ကိုခံစားဖော်ထုတ်လိုပါက အောက်ဖော်ပြပါမီးရထားလမ်းကြောင်း များစီးနင်းရန် အကြံပြုလိုပါသည် ။

• မန္တလေး မှ သီပေါ
• မန္ထလေး မှ မြစ်ကြီးနား
• သာစည် မှ ရွှေညောင် ၊ အင်းလေး
• ရန်ကုန် မှ ပုဂံ
• ရန်ကုန် မှ ပဲခူး
• ပဲခူး မှ တောင်ငူ
• ပဲခူး မှ မော်လမြိုင်