အစားအသောက်

နှစ်သက်ဖွယ်ကောင်းသော မြန်မာနိုင်ငံ၏ အစားအစာများ

မြန်မာ့အစားအသောက်များသည်ထူးခြားသော လက္ခဏာရပ်များရှိပါသည်။ အိမ်နီးချင်း နိုင်ငံများ၏ ချက်ပြုတ်နည်းများ လွှမ်းမိုးနေသော်လည်း အစားအသောက်များတွင် ထူးခြား သော လက္ခဏာရပ်များရှိပါသည်။ မြန်မာအစားအစာများသည် များသောအားဖြင့် အသား၊ ငါး၊ကြက်သွန်နီ၊ ကြက်သွန်ဖြူအနှစ်တို့ကို အခြေခံပြီး ချက်ပြုတ်ကြပါသည်။ ဟင်းချိုအတွက် အရည်ကို လွယ်ကူရိုးရှင်းပြီး အသားနှင့်လိုက်ဖက်မည့် အချဉ် သို့မဟုတ် အချိုအစိမ့်ကို ပြုလုပ်လေ့ရှိကြပါသည်။လက်ဖက်ရွက်ကိုအချဉ်ဖောက်ပြီးပြုလုပ်ထားသော လက်ဖက်နှပ်ကို အဆာပြေအစားအစာအဖြစ် စားသုံးလေ့ရှိကြပါသည်။ ငါးနှင့် ချက်ထားသောဟင်းရည်တွင် ဆန်မှုန့်ကိုအရည်ဖျော်ပြီးပြုလုပ်ထားသောဆန်ခေါက်ဆွဲ (မုန့်ဖက်)နှင့်တွဲဖက်စားသုံးရသော မုန့်ဟင်းခါးမှာ မြန်မာနိုင်ငံ၏ အကျော်ကြားဆုံးသော အစားအစာတစ်မျိုးဖြစ်ပါသည်။ မုန့်ဟင်းခါးကို မနက်စာအနေဖြင့် စားသုံးလေ့ရှိပါသည်။ အခြားနာမည်ကြီးပြီး အရသာရှိသော အစားအစာတစ်မျိုးမှာအုန်းနို့ခေါက်ဆွဲဖြစ်ပါသည်။အုန်းနို့ကိုအခြေခံပြီး ကြက်သားနှင့်ချက် ထား သော ခေါက်ဆွဲနှင့် တွဲဖက်စားသုံးရသော အစားအစာဖြစ်ပါသည်။

လက်ဖက်ရည်မှာ မြန်မာနိုင်ငံ၏ အဓိကသောက်စရာ ဖြစ်ပါသည်။ လက်ဖက်ရည်ဆိုင် ကောင်းကောင်းမှာထိုင်ပြီး လက်ဖက်ရည်သောက်ခြင်းသည် နေ့တစ်နေ့ကို စတင်ရန် ခွန်အား များရရှိလာရုံသာမက မိတ်ဆွေအချင်းချင်းပေါင်းသင်းဆက်ဆံရေးတွင်လည်း ကောင်းမွန် လာ နိုင်ပါသည်။ လက်ဖက်ရည်ပူပူလေးကို နွားနို့ပျစ်ပျစ်လေး ပေါင်းထည့်ပြီး သောက်ခြင်းက အရသာပိုမိုကောင်းမွန်လာစေပါသည်။ ထင်ရှားသော မြန်မာ့အချိုပွဲများ သည် ရိုးရှင်းပြီး အုန်းသီး၊ ပီလောပီနံ၊ ဆန့်မှုန်နှင့် အသီးများပါဝင်ပါသည်။ ပီလောပီနံ၊ ရေခဲစိမ်အုန်းနို့နှင့် ကောက်ညှင်းမှုန့်ကိုအရည်ဖျော်ပြီး သကြားအစာသွပ်ပြီး အပေါ်တွင် အုန်းသီးခြစ်ဖြူးထား သည့် မုန့်လုံးရေပေါ်တို့သည့်လူကြိုက်များသောအစားအစာများ ဖြစ်ကြပါ သည်။