English
China
Korea
Russia
Spain
Germany
Italy
Thailand
Vietnam
Japanမြန်မာနိုင်ငံရှိ သာယာလှပပြီးထင်ရှားသော ရေကန်ကြီးများသို့ သွားရောက်လေ့လာကြည့်နိုင် ပါသည်။ ဤရေကန်များသည် မြန်မာနိုင်ငံ၏ အထင်ရှားဆုံးဆွဲဆောင်မှုများအနက် တစ်ခုအပါအဝင် ဖြစ်ပြီး ကမ္ဘာအနှံ့မှ ခရီးသွားများ အများဆုံးလာရောက် လည်ပတ်ကြသည့် နေရာများလည်းဖြစ်ပါ သည်။ စိမ်းလန်းစိုပြေသော သဘာဝပတ်ဝန်းကျင်သည် ကန်များကိုဝန်းရံလျက်ရှိပြီး ကြည်လင်သော ရေပြင်တို့သည် ညှို့ယူဆွဲဆောင်နေပါသည်။
ဤကန်များတွင် တစ်မူထူးခြားသည့် အကြောင်းအရာ များရှိသည့်အတွက် ကန်တစ်ကန်ချင်းဆီသို့ ကိုယ်တိုင်ကိုယ်ကျသွားရောက် လေ့လာလည်ပတ်သို့ သွားရောက်လည်ပတ်ခြင်းဖြင့် ဒေသခံများနှင့်ရင်းနှီးကျွမ်းဝင်မှု ရရှိနိုင်ခြင်း၊ ၎င်းတို့ဘဝ၏ တစ်စိတ်တစ်ဒေသ ဖြစ်လာနိုင်ခြင်းနှင့် ၎င်းတို့ဘဝနှင့်ပတ်သက်သည့် စိတ်ဝင်စားဖွယ် အသိအမြင်များကိုရရှိစေနိုင်သည့် အခွင့်အရေးတစ်ရပ်ပင်ဖြစ်ပါသည်။
အင်းလေးကန်
အင်းလေးကန်သည် မြန်မာနိုင်ငံရှိအကျော်ကြားဆုံး ကန်များအနက်မှတစ်ခုဖြစ်ပြီး ကန် အနီးအနားဝန်းကျင်တွင် အံ့သြဖွယ်ရာ သစ်ပင်ပန်းမန်မျိုးစိတ်များနှင့် တိရစ္ဆာန်မျိုးစိတ်များကိုတွေ့ မြင်နိုင်ပါသည်။ စိမ်းလန်းစိုပြေပြီး သဘာဝပတ်၀န်းကျင်ကောင်းမွန်သော ဂေဟစနစ်ရှိသည့်အပြင် ကန်ရေပြင်ပေါ်တွင် ခြေတံရှည်အိမ်များဆောက်လုပ်၍ နေထိုင်ကြသည့် မျိုးနွယ်စုဝင်အမျိုးမျိုး၏ ဘူမိနက်သန်ရှင်သန်နေထိုင်ရာ နေရာဟုလည်းဆိုနိုင်ပါသည်။ ရေပေါ်ဥယျာဉ်များမှထွက်ရှိသော သီးနှံများကိုရိတ်သိမ်းပြီး လှေများဖြင့်ရောင်းချသည့် ဒေသခံလူမျိုးများ၏ ထူးခြားသောဘဝပုံစံများ နှင့် ၎င်းတို့၏ ရိုးရာဓလေ့များကို ကိုယ်တိုင်လက်တွေ့ခံစားကြည့်နိုင်မည်ဖြစ်ပါသည်။ တည်နေရာ - ရှမ်းပြည်နယ်
အင်းတော်ကြီးကန်
အရှေ့တောင်အာရှ၏ အကြီးမားဆုံးကုန်းတွင်းပိုင်းရေကန်သို့ သွားရောက်လည်ပတ်သင့်ပါ သည်။ ကချင်ပြည်နယ်ရှိ မိုးညှင်းမြို့နယ်တွင် အင်းတော်ကြီးကန်ကို တွေ့မြင်နိုင်ပါသည်။ သင်သည် သဘာဝတရားကို နှစ်သက်မြတ်နိုးသူတစ်ယောက်ဖြစ်မည်ဆိုပါက လူသူကင်းဝေးပြီး တည်ငြိမ်အေး ချမ်းသော အင်းတော်ကြီးကန်ကို ချစ်မြတ်နိုးလိမ့်မည်ဟု ကတိပြုပါသည်။ ဤကန်သည် ယူနက်စကို ဇီဝဝန်းကျင် ထိန်းသိမ်းစောင့်ရှောက်ရေး စာရင်းတွင်ပါဝင်သည့် ရေကန်တစ်ကန်လည်းဖြစ်ပါသည်။ အင်းတော်ကြီးကန်၏ နယ်ပယ်ဒေသသည် ကမ္ဘာလှည့်ခရီးသွားများ မကြာခဏ လာရောက်လည် ပတ်လေ့မရှိသည့်အတွက် အလွန်တိတ်ဆိတ်သောနေရာများကို တွေ့ရှိနိုင်ပါလိမ့်မည်။ အကယ်၍ အားလပ်ရက်အပန်းဖြေရန် နေရာတစ်ခုကိုရှာဖွေမည်ဆိုပါက အင်းတော်ကြီးကန်သည် သွားရောက် လည်ပတ်ရန် သင့်လျော်သည့်နေရာတစ်ခုဖြစ်ပါသည်။ တည်နေရာ - မိုးညှင်းမြို့၊ ကချင်ပြည်နယ်
အင်းလျားကန်
ရန်ကုန်မြို့၏အကြီးဆုံးကန်ဖြစ်သော အင်းလျားကန်သည် သာယာလှပသော အပန်းဖြေ နေရာတစ်ခုဖြစ်ပြီး ကမ္ဘာလှည့်ခရီးသည်များအတွက် စိတ်ပျော်ရွင်ဖွယ်ရာများစွာရှိပါသည်။ အင်း လျားကန်တွင် ရာသီအလိုက်ကျင်းပလေ့ရှိသော ရိုးရာလှေရှည်များဖြင့်လှော်ခတ်ရသည့် လှေလှော် ပြိုင်ပွဲများကိုလည်း ကြည့်ရှုခံစားနိုင်ပါသည်။ ခမ်းနားသာယာလှသော ဥယျာဉ်နှင့်အတူ ကန်တစ် လျှောက်တည်ဆောက်ထားသော တစ်ထပ်တိုက်လေးများနှင့် တည်းခိုခန်းများတွင် တည်းခိုနေထိုင် နိုင်သည့်အတွက် အင်းလျားကန်သို့ စိတ်အပန်းဖြေရန် လာရောက်လည်ပတ်သင့်ပါသည်။ အင်းလျား ကန်သည် ရန်ကုန်မြို့လယ်၏မြောက်ဘက် ၁၀ ကီလိုမီတာ အကွာတွင်တည်ရှိပါသည်။ တည်နေရာ - ရန်ကန်တိုင်းဒေသကြီး
ကန်တော်ကြီး
ကန်တော်ကြီးသည် ရန်ကုန်မြို့တွင်တည်ရှိပြီး ရွှေတိဂုံစေတီတော်မှ ခြေလျင်လမ်းလျှောက် သွား၍ ရောက်နိုင်သည့် အကွာအဝေးတွင်ရှိပါသည်။ ကန်ဘောင်ပတ်လည်တွင် လမ်းလျှောက် အနား ယူရင်း သဘာဝပသာဒတို့ဖြင့်ဝန်းရံထားသော ကန်ရေပြင်၏အလှကိုခံစားနိုင်ပါသည်။ ကန်တော် ကြီးအနီးတွင် ကန်တော်ကြီးဥယျာဉ်တည်ရှိပြီး၊ ထိုဥယျာဉ်အတွင်းတွင် စိတ်ဝင်စားဖွယ် လည်ပတ် လေ့လာစရာများဖြစ်သည့် စားသောက်ဆိုင်များနှင့် သစ်သားလျှောက်လမ်းများမှတဆင့် ကျောက် ဆောင်ဥယျာဉ်၊ သစ်ခွဥယျာဉ်၊ ပုပ္ပါးတောင် မျှော်စင်၊ ဆင်ရုံ၊ ရေချိုငါးပြတိုက်၊ ဥယျာဉ်ခြံရှုခင်း များနှင့် ရာသီအလိုက်ပန်းဥယျာဉ်များ၊ ရေစမ်းရေတွင်းများနှင့် ရေတံခွန်များကိုလည်း လေ့လာ ကြည့်ရှုနိုင်ပါသည်။ တည်နေရာ - ရန်ကန်တိုင်းဒေသကြီး
မိတ္ထီလာကန်
မိတ္ထီလာကန်သည် သဘာဝအလျောက်မဟုတ်ဘဲ ဖန်တီးတည်ဆောက်ထားသော ဆည် မြောင်းရေလှောင်ကန်တစ်ခုဖြစ်သော်ငြားလည်း တင့်တယ်သာယာလှပပါသည်။ မိတ္ထီလာကန်သည် မိတ္ထီလာမြို့အနီးတွင်တည်ရှိပြီး၊ နှစ်စဉ်ထောင်နှင့်ချီသောခရီးသွားဧည့်သည်များ မိတ္ထီလာမြို့သို့ လာရောက်လည်ပတ်ကြခြင်းသည် မိတ္ထီလာကန်ကြောင့်ပင်ဖြစ်ပါသည်။ ကန်ကြီးသည် ၁၁ ကီလိုမီ တာရှည်လျားပြီး ကန်ရေကို မွန်ဒိုင်းဆည်မှပေးသွင်းထားခြင်းဖြစ်ပါသည်။ ကန်ကိုဖြတ်၍ တံတား တစ်စင်းတည်ဆောက်ထားပြီး မြောက်ကန်နှင့် တောင်ကန်ဟူ၍ နှစ်ပိုင်းခွဲခြားထားပါသည်။ ကန် ဘောင်ပတ်လည်တွင် အေးမြသောလေညှင်းကိုခံစားပြီး စက်ဘီးစီး၍လည်ပတ်နိုင်ပါသည်။ တည်နေရာ- မိတ္ထီလာမြို့၊ မန္တလေးတိုင်းဒေသကြီးရင်သပ်ရှုမောဖွယ်ရာနေရာများ
ထီးပွင့်ကန်
စိမ်းလန်းစိုပြေသောလယ်ကွင်းများ ဝန်းရံလျက်တည်ရှိနေသော ထီးပွင့်ကန်သည် ကယား ပြည်နယ်၊ ဒီမော့ဆိုမြို့နယ်တွင်ရှိပြီး အကျယ်အဝန်းအားဖြင့် ပေ (၁၀၀)သာကျယ်ဝန်းကာ ထီးရေ ကန်ဟုလည်းခေါ်ဝေါ်ကြပါသည်။ ကန်ပတ်လည်တွင် ဝန်းရံလျက်ရှိသော လှပသည့်လယ်ကွင်းများ သည် ကမ္ဘာလှည့်ခရီးသွားများအတွက် အဓိကကျသည့် ဆွဲဆောင်မှုတစ်ခုဖြစ်နေပါသည်။ ကယား လူမျိုးများက ထီးပွင့်ကန်သည် မိကျောင်းတစ်ကောင်မှ ကျွဲဖြူတစ်ကောင်၏ အကူအညီဖြင့် တူးဖော် ဖန်းတီးခဲ့သည့် ကန်ဖြစ်သည်ဟု ယုံကြည်ယူဆကြပါသည်။ တည်နေရာ - ဒီမော့ဆိုမြို့၊ ကယား ပြည်နယ်
ရိဒ်ရေကန်
မြန်မာနိုင်ငံ၏ လှပပြီးထင်ရှားသောရေကန်များထဲတွင် တစ်ခုအပါအဝင်ဖြစ်သည့် ရိဒ်ရေကန် သည် နှစ်စဉ်နှစ်တိုင်း ကမ္ဘာလှည့်ခရီးသည်ထောင်ပေါင်းများစွာကို ဆွဲဆောင်နိုင်သည့် နေရာတစ်ခု ဖြစ်ပါသည်။ တစ်မူထူးခြားသော အသည်းနှလုံးပုံသဏ္ဍာန်ဖြင့် တည်ရှိနေခြင်းကြောင့် ရိဒ်ရေကန် သည် အံ့အားသင့်ဖွယ်ကောင်းပြီး ထူးခြားဆန်းပြားသည့် ရေကန်တစ်ခုဖြစ်နေပါသည်။ ရိဒ်ရေကန် ကို ဖလမ်းမြို့နယ်တွင်တွေ့မြင်နိုင်ပါသည်။ ရှုမငြီးနိုင်သည့်သာယာလှပမှုများ ဝန်းရံလျက်ရှိသော ရိဒ်ရေကန်သည် ချင်းတောင်တန်းနှင့် အိန္ဒိယတောင်တန်းများ ကြားတွင်တည်ရှိပါသည်။ ဒေသခံ များနှင့် အိန္ဒိယနိုင်ငံမှခရီးသွားဧည့်သည်များသည် ရိဒ်ရေကန်ကို စောင့်ရှောက်သောနတ်တို့အား လာရောက်ဂါရဝပြုခြင်းများ ပြုလုပ်လေ့ရှိကြပါသည်။ တည်နေရာ - ဖလမ်းမြို့၊ ချင်းပြည်နယ်
တောင်တမန်အင်း
တောင်တမန်အင်းသည် နည်းပညာဆန်းသစ်တီထွင်မှုများ မထွန်းကားသေးသည့် မြန်မာ နိုင်ငံ၏ ရှေးခေတ်ဟောင်းကာလများကို ပြန်လည်မြင်တွေ့စေနိုင်မည့် နေရာတစ်ခုဖြစ်ပါသည်။ ဒေသ ခံရွာမှ တံငါသည်များသည် လှေဖြင့်ငါးဖမ်းနည်းအစား ရိုးရာငါးဖမ်းနည်းဖြစ်သည့် ခါးထိအနက် ရှိသည့် ရွှံ့ရေများထဲတွင် ခက်ခက်ခဲခဲကူးဖြတ်လျှောက်၍ ငါးဖမ်းယူသည့်နည်းကိုသာ ယခုအချိန်ထိ ဆက်လက်ကျင့်သုံးနေကြဆဲဖြစ်ပါသည်။ ၎င်းတို့၏ ရိုးရာငါးဖမ်းနည်းသည် တစ်မူထူးခြားသော ဆွဲဆောင်မှုတစ်ခုဖြစ်သည့်အတွက် မဖြစ်မနေသွားရောက်လေ့လာသင့်ပါသည်။ တောင်တမန်အင်း ၏ နေဝင်ဆည်းဆာချိန်သည် အံ့ဩဖွယ်ကောင်းအောင် ညှို့ယူဖမ်းစားနိုင်ပြီး သာယာလှပမှုများကို ကိုယ်တိုင်သွားရောက်ကြည့်ရှုသင့်ပါသည်။ တည်နေရာ- မန္တလေးမြို့၊ မန္တလေးတိုင်းဒေသကြီး
တွင်းတောင်ရေကန်
တောင်ကုန်းများစွာဖြင့် ပတ်လည်ဝိုင်းရံလျက်ရှိသော တွင်းတောင်သည် ဘုတလင်မြို့၏ အနောက်ဘက် ၆ မိုင်အကွာတွင်တည်ရှိနေပါသည်။ တွင်းတောင်ရေကန်၏ ပတ်ဝန်းကျင်တစ်ခုလုံး ကို အလွန်လှပသော တောင်ကုန်းမြင့်များက ဝန်းရံထားပါသည်။ ဓါတ်ပုံရိုက်ရန်အတွက် လှပသည့် နေရာများစွာကိုလည်း တွေ့ရှိနိုင်ပါသည်။ ရေကန်သည် အစဉ်အမြဲ သန့်ရှင်းကြည်လင်သော ရေများ ပြည့်လျှံနေပါသည်။ တွင်းတောင်သည် ကမ္ဘာပေါ်တွင် အစွမ်းသတ္တိပြည့်စုံသော သဘာဝအားဆေး ထွက်ရှိသည့် ရှားပါးနေရာများတွင် တစ်ခုအပါအဝင်ဖြစ်ပြီး၊ ယင်းအချက်သည်လည်း ထူးခြားသည့် နေရာတစ်ခုအဖြစ် ပို၍လူသိများစေပါသည်။ တည်နေရာ- ဘုတလင်မြို့၊ စစ်ကိုင်းတိုင်းဒေသကြီး
ရွာငံရေပြာအိုင်
ရွာငံရေပြာအိုင်သည် ကလောမြို့နှင့် မန္တလေးမြို့အကြားတွင် တည်ရှိပြီးတိတ်ဆိတ်ငြိမ် သက်သော ပတ်ဝန်းကျင်ကြောင့် တည်ငြိမ်အေးချမ်းမှုကို ခံစားရရှိနိုင်သည့်အပြင် သန့်ရှင်းကြည်လင် သော အပြာရောင်ရေပြင်သည်လည်း ညှို့ယူဆွဲဆောင်လျက်ရှိပါသည်။ ရေအိုင်အနီးတွင် ရေတံခွန် တစ်ခုလည်းရှိနေပြီး အဆိုပါနေရာတွင် သဘာဝတရား၏ သာယာသောအသံများကို နားဆင်ခံစား ရင်း အနားယူအပန်းဖြေနိုင်ပါသည်။ ၎င်းဒေသသည် အရည်အသွေးမြင့် ကော်ဖီထုတ်ကုန်များ ကြောင့်လူသိများသော နေရာတစ်ခုလည်းဖြစ်ပြီး ရေပြာအိုင်သို့ သွားရောက်လည်ပတ်သည့်အခါ ကော်ဖီကို မြည်းစမ်းကြည့်ရန် အထူးအကြံပြုလိုပါသည်။Popular in Myanmar
Hotels
Tours
Guides
Hotels
Tours
Guides