ရွှေတိဂုံဘုရား

ဤနှစ်ပေါင်း ၂၅၀၀ သက်တမ်းရှိစေတီတော်သည် ဖူးမျှော်ရန် လက်မလွတ်သင့်သည့် ဘုရား တစ်ဆူဖြစ်ပြီး ဂေါတမမြတ်စွာ၏ဆံတော်နှင့် ပွင့်တော်မူပြီးသော ဘုရားများ၏ ဓာတ်တော်များကို ကိန်းဝပ်စေထားသော ခမ်းနားထည်ဝါသည့် စေတီတော်တစ်ဆူဖြစ်သဖြင့် သွားရောက်ဖူးမျှော် လည်ပတ်ခြင်းဖြင့် မြန်မာနိုင်ငံသို့ လာရောက်သည့်ခရီးစဉ်ကို ပြီးပြည့်စုံစေမည်ဖြစ်ပါသည်။ သိင်္ဂုတ္တရ တောင်ကုန်းပေါ်တွင် ဉာဏ်တော် ၃၂၆ ပေမြင့်သောစေတီတော်တစ်ဆူရှိပြီး စေတီတော်အားစိန် အလုံးရေ ၄၀၀၀ ကျော်ဖြင့် မွမ်းမံတည်ဆောက်ထားသဖြင့် နေရောင်ခြည်အောက်တွင် သပ္ပါယ်စွာ ဖူးမျှော်ကြည်ညို နိုင်မည်ဖြစ်ပါသည်။ ရွှေတိဂုံစေတီတော်သည် ဒေသခံများအတွက် အဓိကဘာသာရေး နေရာတစ်ခုအဖြစ်သတ်မှတ်ထားပြီး နှစ်စဉ်နှစ်တိုင်းဗုဒ္ဓဘာသာဝင်များသည် စေတီတော်အားပန်းများ ဆက်ကပ် ပူဇော်၍ သန့်ရှင်းသောနေရာ၌ တရားထိုင်ပြီးဆုတောင်းကြလေ့ရှိပါသည်။ ရွှေတိဂုံ စေတီ တော်သို့ လာရောက်ဖူးမျှော်စဉ်အတွင်း မြို့ခံများ၏ရိုးရာဓလေ့များနှင့် ဗုဒ္ဓဘာသာ၏ အရေးပါပုံကို တွေ့မြင်နိုင်မည်ဖြစ်ပါသည်။ ခရီးသွားများအနေဖြင့် ဒေသခံများ၏ ဘာသာရေးအဆောက်အုံများကို လေးစားသောအား ဖြင့် လုံခြုံသည့်အဝတ်အစားများဝတ်ဆင်သွားကြရန် အကြံပြုလိုပါသည်။